Note 5 S Pen倒插卡机事件三星霸气回应:睇说明书

Note 5 S Pen倒插卡机事件三星霸气回应:睇说明书

寻日Android Police亲身示範如何用一支S Pen摧毁Note 5,三星官方好快就对呢个疑似设计漏洞发表声明:不换笔、不换机,皆因说明书有温馨提示过。

三星向BBC表示,佢哋强烈建议用户按照说明书嘅方法使用S Pen,以确保唔会发生倒插S Pen呢种意外情况。而Android Police收到嘅回应大致相同,同样叫用户跟说明书插S Pen。然而ArsTechnica发现咗盲点:其实Note 5包装内并无说明书,用户想睇嘅话要自行到官网下载。

Note 5 S Pen倒插卡机事件三星霸气回应:睇说明书◆ BBC(上)同Android Police(下)收到嘅答覆

笔者特地去三星香港服务中心网页下载咗Note 5繁中说明书,见到第9页的确有两行相关警示,提醒用户应先插入S Pen笔尖,否则可能卡住,而强行抽出可能会导致S Pen及手机损坏。言下之意,其实三星一早知悉问题,但错不在其身,要怪就怪自己唔睇说明书,或者咁大意插错。不过,试问有几多人会睇说明书,更何况本说明书要另外下载?

Note 5 S Pen倒插卡机事件三星霸气回应:睇说明书◆ 繁中说明书第9页,又的确有写唔好倒插…

上一篇: 下一篇: